العميد ميشال نحاس: ما عم قلك عبوط الجيش السوري، نسق لمصلحتك.. والصراف بالعراق داعش أساسا بعث عراقي

0 0
Read Time:2 Minute, 59 Second

مقتطف من حديث العميد الركن المتقاعد ميشال نحاس، لقناة “المنار”:

 

عن اعتراضات التنسيق بين لبنان وسرية لدحر الإرهابيين

كيف بدو الجيش اللبناني يعمل عملية بأراضي عَ الحدود اللبنانية – السورية، وما يكون في اي تنسيق مع الجيش السوري، التنسيق بين الجيشين اللبناني والسوري سيجعل الجيش السوري يعرف توقيت العملية، اللي حددها قائد الجيش اللبناني ليبدئ الجيش السوري عملياتو بالوقت ذاتو معنا.

داعش متواجدين بجزء من الأراضي السورية، وجزء من الأراضي اللبنانية. على افتراض، صار في خلل بالرماية، وراحت القذيفة الى المناطق السورية، شو بتقلو للسوري، ما تواخذني بالغلط، بس تكون منسّق، وبادئ بالهجوم معك، بتفرق المعركة.

إذا عناصر داعش قنابل بشرية متحركة، قدرنا بكثافة النيران نجعلن ينسحبو مثلاً، باتجاه الأراضي السورية، هيدا التنسيق يفيدنا، لأنه سيُفتح ممرات ليخرجوا منها، وعندها لن يعودوا على الحدود اللبنانية – السورية. وبتصير شغلة الجيش السوري انو يتولى امرن متل ما هوي بدّو.

مني شايف وين مصلحتنا ما ننسق، المنظرين بيطلع بقلك هيدي قضايا ادارية، بتمشي لوحدا.. يا خيي عمين عم تضحك؟؟

معليه سوريا هي العمق الإستراتيجي تبعك، شئت أم أبيت. ما عم قلك عبطون وبوسن، وقعود بأحضانن. بدنا نتعامل من الندّ للندّ.

معركة جرود رأس بعلبك والقاع، بدها تاخود بعين الإعتبار معرفة مصير العسكريين.

بس تعمل مفاوضات مع داعش، هني وعم ينقصفو شي، وهني ورايقين ومبسوطين شي تاني.

الوزير الصراف
الوزير الصراف

 

لفتني زيارة وزير الدفاع يعقوب الصراف للعراق.

تاريخياً داعش اساسا بقايا البعث العراقي. والنصرة اساسا سوري.

زيارة وزيرالدفاع بهالتوقيت، خلتني قول انو إذا تمّ التعاون مع العراقيين امنياً وعسكرياً، لأنو بعدن عاملين انتصار الموصل، وبالتالي لديهم خبرات استحقت بالدم الخ..

داعش أخدت الموصل بساعات، وما حدا وقف بوجن. لتحريرها، تم جلب جيوش ضخمة..

يعني بالنتيجة كل الحروب مصالح دول كبرى، متل ما بدن بديرو اللعبة.

دك تمنع داعش، اول شغلة بدك تمنع المدارس، اللي عم يقعد فيا ما يُسمى بشيخ، (مع احترامي لكل العالم) يجي يربيلك ولاد من عمر 5 و 6 سنين، ويعلمن انو هودي أعدائكم، وهودي لازم تقتلوهم، وفي محلات بيذكرو النصارى بالحرف الواحد واليهود.. برأيي بدك توقف النبع

مثل عن الخطورة بالموضوع، كنت بمؤتمر لصالح افغانستان بتركيا سنة 2010.

قد تكلمت عن الموضوع، وكان موجود معي نائب رئيس الأركان المصري، اللي أكد انو في بالقليلي 25 ألف مدرسة مش قادر يراقبن الأمن المصري.

قلت له: يعني 25 الف ضرب 5 ، صرنا بِ 125 الف بني آدم قنبلة بشرية

 

أنا كضابط سابق خدمت بكل الأراضي اللبنانية، للأسف يللي منعرفو أنو في شريحة من العالم متجهة باتجاه قلبياً وفكرياً صوب الإرهابيين

الخلايا النائمة بتقدر تتنقل وين مكان.

اي شخص موجود بخلية نائمة، في مين رح يرجع يوعيك، ويطلب توعا بوقت معين.

لهالسبب مطلوب الوعي، على صعيد الأجهزة الأمنية، والنتسيق فيما بينهم

كما وعي المواطنين، والمخابرات بتقدر تدسّ ناس تفوت معن بالشبكات، والاّ شو هيي المخابرات.

توجهات المنطقة

حصل اتفاق بين روسيا والسعودية لبناء مفاعلات نووية لتوليد طاقة كهربائية.

وبالأردن وقعت مشاريع…

لو في عرقلة اميركية، كانت تسمع ببناء مفاعلات روسية بقلب السعودية.

انما السياسات الخارجية الأميركية ليست كما قبل. متل هنري كيسنجر.

لدي تحليل أن المنطقة القادمة ستكون لداعش في أفريقيا، من بوابة ليبيا.. وهناك يوجد تنظيم “بوكو حرام”.

الأوروبيين استفاقو، ولن يستقبلو المقاتلين الموجودين بسورية. وتركيا رفضت نهائياً. ومش رح يضلن بسورية، بداخل منطقة معينة… الصين فاتت عَ افريقيا قبل أميركا (مناجم – زراعة) اليوم كيف بيقدرو يفوتو ويلحقو حالن الأمركان، بانشاء معركة متل ما صار عنا..

الجماعات كلن بسورية، بدك تبيدن كلن. يللي بدو يعطي أمر، بدن يسموه هتلر تاني.

عم نحكي عن ابادة لمئات الوف. ما يفكر حدا انوعدد المقاتلين 8 آلاف، لما بتبرحش مزبوط، رح تلاقي في جماعات حواليهم بمئات الآلاف. شو بدك تعمل فيهم؟؟

– أوروبا وعيو متأخرا.

– الأميركيين بعد فترة بدن يعانوا، لأنو في مناطق ايضاً مهيأة جداً لعمل الإرهابيين.

 

رصد Agoraleaks.com

Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *